O II Comité nacional de UGT-Galicia respalda a convocatoria de folga xeral para o 29 de setembro

O II Comité nacional de UGT-Galicia, reunido hoxe en Santiago, deu un respaldo unánime á convocatoria de folga xeral que terá lugar o vindeiro 29 de setembro en todo o Estado para denunciar as medidas adoptadas polo Goberno central, unhas iniciativas políticas erróneas, inxustas e estériles que van debilitar o crecemento económico, o cambio de modelo produtivo, a calidade dos servizos públicos e do estado de benestar e, ademais, van frear a creación de emprego de calidade e con dereitos.